ວິທະຍາໄລເຕັກນິກລາວ-ເຢຍລະມັນ ໄດ້ຈັດພິທີເຊັນບົດບັນທຶກຄວາມເຂົ້າໃຈການຮ່ວມມືທາງດ້ານວິຊາການ ກ່ຽວກັບການຈັດການຮຽນ-ການສອນ ອາຊີວະສຶກສາແບບຄວບຄູ່ (ອສຄ)

 

ວິທະຍາໄລເຕັກນິກລາວ-ເຢຍລະມັນ ໄດ້ຈັດພິທີເຊັນບົດບັນທຶກຄວາມເຂົ້າໃຈການຮ່ວມມືທາງດ້ານວິຊາການ ກ່ຽວກັບການຈັດການຮຽນ-ການສອນ ອາຊີວະສຶກສາແບບຄວບຄູ່ (ອສຄ) ລະຫວ່າງວິທະຍາໄລເຕັກນິກລາວ-ເຢຍລະມັນ ກັບ ສະຖານປະກອບການຄູ່ຮ່ວມງານຫຼາຍກວ່າ 30 ແຫ່ງ

ເພື່ອປະຕິບັດຕາມແຜນພັດທະນາວຽກງານອາຊີວະສຶກສາ ແລະ ຝຶກອົບຮົມວິຊາຊີບໃຫ້ມີຄວາມເຂັ້ມແຂງ ໄດ້ຮຽກຮ້ອງເຖິງກຳລັງແຮງງານດ້ານອຸດສາຫະກຳທີ່ມີຄຸນນະພາບ ແລະ ຕອບສະໝອງກັບຄວາມຕ້ອງການຂອງຕະຫຼາດແຮງງານ ໃນຕອນບ່າຍ ຂອງວັນທີ 09 ຕຸລາ 2024 ຜ່ານມາ, ວິທະຍາໄລເຕັກນິກລາວ - ເຢຍລະມັນ ໄດ້ເຊັນບົດບັນທຶກຄວາມເຂົ້າໃຈທາງດ້ານວິຊາການກັບສະຖານປະກອບການ, ຄູ່ຮ່ວມງານຫຼາຍກວ່າ 30 ແຫ່ງ ກ່ຽວກັບການຈັດຕັ້ງການຮຽນ-ການສອນ ໃນຮູບແບບອາຊີວະສຶກສາແບບຄວບຄູ່ (ອສຄ) ເຊິ່ງເປັນການຮຽນພາກທິດສະດີ ແລະ ພາກປະຕິບັດພື້ນຖານຢູ່ທີ່ວິທະຍາໄລ ແລະ ລົງພາກປະຕິບັດຢູ່ສະຖານປະກອບການຕາມໄລຍະເວລາທີ່ກຳນົດໄວ້ໃນຫຼັກສູດອາຊີວະສຶກສາ.

ເປົ້າໝາຍຂອງການຮ່ວມມືຄືການພັດທະນາທັກສະສີມືຂອງຜູ້ຮຽນໃຫ້ມີຄວາມສອດຄ່ອງກັບຄວາມຕ້ອງການຂອງບັນດາສະຖານປະກອບການ, ພ້ອມນັ້ນ ນັກສຶກສາຍັງຈະໄດ້ສຳຜັດກັບໜ້າວຽກຕົວຈິງໃນສະຖານທີ່ເຮັດວຽກອີກດ້ວຍ.

ທ່ານ ສຸລິຍາ ປ່າໄຊ ຜູ້ອຳນວຍການວິທະຍາໄລ ເຕັກນິກລາວ - ເຢຍລະມັນໄດ້ຕັ້ງເປົ້າໝາຍໃນການຈັດຕັ້ງ ອສຄ ໃນສົກຮຽນ 2024 - 2025 ໃຫ້ໄດ້ອັດຕາຢ່າງໜ້ອຍ 50 ສ່ວນຮ້ອຍຂອງນັກຮຽນທັງໝົດ ແລະ ຈະໃຫ້ສາມາດຈັດຕັ້ງປະຕິບັດໃຫ້ໄດ້ ອັດຕາສ່ວນເຕັມ 100 ໃນອີກ 5 ປີທາງໜ້າ.

To achieve the TVET development plan and quality industrial workforce right as a labour market needs. On October 9, 2024, the Lao-German Technical College (LGTC) signed a Memorandum of Understanding with more than 30 partner Companies to join a Dual Cooperative Training (DCT) program, The purpose of the DCT program, LGTC needs to train the theoretical and basic skills and the practices will be implemented in the workplace according to the period determined in the TVET curriculum

Mr. Souliya Phaxay, the director of the Lao-German Technical College, said: "LGTC will achieve 50 per cent of all students to join the DCT program in the 2024-2025 academic year and will get 100 per cent to the DCT program in the next 5 years".